تیرنگ،رقیه سعیدی نژاد
معادل فارسی :یک دانه ، مقدار کمی باروت دارد و آنهم برای خود نمائی داشت
مفهوم کنائی :بدین مفهوم که داشتن هر چیزی اعم از مادی و معنوی هنگامی مفید فایده است که بتوان از آن استفاده بهینه کرد و نه برای خودنمائی و فخر به دیگران و برای نمایش به دیگران.
اتا تیم (aata tim) یک عدد، مقدار کمی- داشته (daashteh) داشتن – نمود(nemood) نما، خودنمایی
یارعلی 8 خَویز زمین دَشتِ نِشا داشته 9 تا وَچِه کِه وِنِه ریکا و کیجا وِنه زمین سر کار کِردنه گتِ ریکا شِه 5 تا وَچیه داشته مَش ممِد وِنه گت داماد بیه مَصوم مَردی وِ هَم 7 تا وَچِه داشتِه الباقی وَچون هَم اَتی 4 تا 5 تا وَچِه داشتِنِه یارعلی زِک و زا شِه جمع بَیبون 80 نفِر بینِه هَمِه همین زمین و گوداری سَر و باغ پِه کار کِردنه وِشون زن و چَه خرجَ و مِخارِج در ایموئِه چندتا از یارعلی نوه اُون بوردِنه شهر درس بخوندِسنِه دیگه نِیومونِه روستا یارعلی کچیکِه ریکا فقِط عزِب بییه هرچی وِره گِتِنه زَن بَوِر گِته مِن هیچکی رِه نِخوامبِه. اَتا روز بِمو شِه گتِ خواخِر بته: مصوم جان مِن اَتا دیگه محِل اَتا کیجا رِه بدیمه مُجتمِع بوم گردی دارنه خَلِه خارکیجا هسِّه مه وِسه بورین خواسگاری. مصوم بته: تِه وِنِه جا بِخواسّی هاکِردی بتی چِچی دارنی چِچی نارنی ممدعلی بته اره وه مه ره اشناسنه فقط تِه بِبا و نِنا خَوهِ بئو وِشونسِه پیغوم هادِن وقت بهیرِن بوریم نِشوم هاکِنیم . مصوم بورده شه پِیر و مارِ خوه بته اتا شو بوردِنه کیجا سِره خواسگاری بدینه کیجا پیر و مار و خانواده خله وشون رِه تحویل هایتنه. یارعلی بعداز گپ و گفت بته: اِما بیمومی شمِه سرِه شه ریکا وسه خواسگاری امه ریکا ره به غلامی قبول هاکِنین. کیجا پیر بته: اِما شمِه ریکاره به آقایی خوامبی مِه کیجا بته شِمِه ریکا خانه اَتا زمین به نام مِه کیجا هاکِنه تا شِمِه محله هم بومگردی بزنه یارعلی شِه زِنا رِه هاشیه بته: کِمین تا زمین ره؟ مگه مِه ریکا زمین دارنه که به نام شمه کیجا هاکِنه؟ کیجای پِیر بته: وِه بته شِما وره زمین هِدانی یارعلی شه ریکاره بته راست بته قدیما که فلونی اتا تیم باروت داشته برای نمود داشته مِن مگه زمین رِه تقسیم هاکِردمه که ته شه پیش اینتی بتی رو به کیجای پیر بته نا جان برار مه ریکا فعلا هیچی ندارنه مه پیش کارگری کنده اگه شما وره خوانی بسم الله اگه نا اما رفع زمت هاکنیم ولی شمه کیجا اگه طرحی دارنه که سودش به همه رسنه من حمایت کمبه.
