تبرنگ، رقیه سعیدی نژاد:
پلنگ در مازندران نشان قدرت و ابهت است و اکثر اوقات هرگاه بخواهند فردی را به پهلوانی معرفی کنند می گویند مانند پلنگ بی بدیل و پر قدرت است در معانی کوهستانی پلنگ در مناطق بلند می ایستد و با چشمان تیزبین به پایین دست نگاه می کند و شکارش را انتخاب می کند هرگز به شکاری که زخمی یا باردار باشد حمله نمی کند حتی به کودکان شکار حمله نمی کند و رحم عجیبی بر ضعیفان دارد برای همین مردمان کوهستان پلنگ را برای مردانگی و مروت هم بکار می برند و به مردانی که ضعیف کشی نمی کنند می گویند پلنگ واری یعنی مانند پلنگ
مش اکبِر و مش اصغر دِتا گالِش بینه که مرتع و کِلوم شریکی داشتنه، کوه ِسر وِشون گوکِلوم بیه دِتا چَپون داشتنِه کِه وَچه سول بینه وِشون هِمراه گو رِه وردِنه ییلاق و قشلاق. ۸تا چپون سگ داشتنه خَلِه نِژاد دار بینه. ۱۸ سال این دِتا رفِق گو هِمراه دشت و صحرا کِردنِه تا وِشون وَچون که دِهات زندگی کِردنه گَت بَهینه بوردِنه دانشگاه . مَش اکبر گت ریکا بِمو پیر هِمراه گو پرورش دائِه اتّا تصمیم مهم بَهیته با شِه پیِر درمیون بِشته وِه بته :مِن مهندسی دامپروری بَخوندِسمِه تومبه زمین سر اَتا گاوداری صَنعتی بزِنم تِه و اصغر عمو بِهین اونِجه دیگه دشت و صحرا نَشویین اکبر بته : نَدومبِه چِچی بهووم من دیگه پیر بَهیمه تَوان نِدارمبه بَوینِم چتی وونه. اون شو مَش اصغِر خَوِه بتنه مش اصغر اول یِکّه بَخِردِه ولی بعد بتِه ونِه شِه بِرار و وَچون جا مشورِت هاکِنه یَک ماه بُگذشته . مش اصغر بورده دِهات دَگِرسِه بته : اِما موافِق هسِمی فقط وِنه شِراکت معلوم بوّه. دِتا شریک باهم هِنیشتنه مال ره تقسیم هاکرِدنه نصف نصف شریک بهینه. بمونه دِهات کارای زمین و مجوز رِه هاکِردنه. چون زمین مش اکبر بیه قرار بهیه ۶۰ درصد دامداری مش اکبر بهوه ۴۰ درصد مش اصغر وسه . دِسال بُگذِشته دامداری راه دَکتِه ولی همچی صنعتی بیه کارگرا کار کِردنه. مش اصغر و مش اکبر بیکار بینه وشون دل تنگ بهیه کار وسه. بتنه : دِتا محلی گو بیرِن بَورِن چرا . اَتا روز که بوردنه جنگل گوچرا هادِن بدینه اَتا گو لاش جنگل دله دمبدائه ۸ تا شال وِنه سر دِرنه جُونّه گو ره رم هِدانه دِهات وَر دو بَهیت بِمونه دِهات بید واری لرز هاکِردنه وشون زن وچه وشون داد برسینه. چند روز جنگل نشینه بتنه دیگه نشونه یَک سال بُگذِشته تا اینکه مش اصغر مریض بهیه از دنیا بورده ونه سال سر مش اکبر بَمرده وِشون وَچون میون اختلاف دکِته کَدخِدا میونجی بهیه بدیه درنه همدیگر ره کِشِنه بته: شمه پیِرون با آبرو زندگی هاکردنه شما چه اینتی بَهینی شِمه پیرون پلنگ واری کوه دِله ۲۰ سال زندگی هاکردنه. پلنگ لاش سر اَرمجِی نشونه شما ارمجی تون کمترنی . اتا کم شه پیرون حُرمِت رِه دارین ، من شمسه وکیل گیرمبه عادلانه تقسیم هاکنه دیگه ول هاکنین حرمت داری هاکنین.
