رقیه سعیدی‌نژاد
معادل فارسی : ته : تو چکل: سخت آغوز: گردو ول سر:نوک تیز و کج
یعنی اگه تو گردویی سخت هستی، من چاقویی نوک تیز و کج هستم
زمانی که درخت گردو میوه میدهدگردوها را با پوسته سبز می بینیم که در لابلای برگ ها خودنمایی می کنند پس از گذر فصل و در اوایل پاییز این پوسته ها کم کم سیاه و پوسیده می شوندو گردو از شاخه جدا شده و به زمین می افتد با این افتادن پوسته گردو باز می شود گردو از آن تمیز بیرون می آید گردوهای محلی که پوست ضخیمی دارند به سختی می شکنند و بعداز شکست مغز آن به سختی جدا می شود و به اصطلاح مازنی باید با یک چاقوی نوک تیز و کج آن را از پوسته جدا کرد
این ضرب المثل بیشتر در مواقعی به کار می رود که شخصی در انجام ندادن کار درست اصرار می ورزد و اطرافیان یا بزرگتری که صاحب نفوذ است این مثل می گوید تا به او بفهماندتو هرچه قدر سرسختی در مقابل من کوتاه خواهی آمد.
مینا و سوری و ستاره سه تا خواخِر هستنه که ممدجان وشونه پیر هسّه مینا سه سال پیش بورده دانشگاه تبریز مهندسی بخونده ستاره خوتِر کیجا هسّه که بورده بابل دکتر بهیه بَموندِسه سوری که نا دَرس خوندِسه نا اَتا هِنر یاد گیته صوب تا نِماشسَر یا باخِت بیه یا شیه کوه و دشت چَخ چخ زوئه اَتا هیمه دَس نیته بیاره؛ وِنه پیر و مار وِنه بِرار از صوب تا شو که آفتاب مار بورد بو تَتِنِه وه انگار نَدیه نِشدوسه. تازه گِلخاتون اِمو شوم پَتِه خمیر دِرِس کِرده نون پَته کِرک و چیندِکا جا کِرده وِنه بِرار گو و گِسفِندِ دوشتِه گوک زاره تیمار کِردنه وِشونِ خِراکِ دانِه ممِدجان علوفه ره خِردخِراک کِرده و هزارتا کار دیگه که وِشون تن ره خسّه و نِخار کرده ولی سوری اصلا خیال ناشته ناراحِت نیه. اَتا شو که ممدجان صرا جا گِردسه میرزامحمود ونه جلوره بهیته بَته خوانه شِه برارزاسِه سوری ره خواسگاری هاکِنه. ممدجان که دونسه ونه کیجا بدرد نخِرنه بته سوری الان شی نکنده. میرزا اصرار هاکِرده اجازه هادِن بهین خواسگاری بعدا جواب رد هادن. خِلاصه اتا شو میرزامحمود ونه برارزا ونه بِرَیزِن و ونه مارحاج خانم و شاباجی ونه زنا بِمونه ممدجان سره خواسگاری تا کیجا و ریکا همدیگر ره نظر هاکِنن ؛ بوینن وِشون پسِند هسّه یا نا. ریکا کیجا ره بدیه یک دل به صد دل عاشق بیه؛ بته: الا و بلا مِن سوری رِه خوامبه. سوری هم ریکاره پسِند هاکرده . اما ممدجان بته من کیجاره شی ندمبه هزارتا داستان سوار هاکرده تا وشون جا وقت بهیره . کیجا هم بته: من وره خوامبه . اتا روز ممدجان بته: های کیجا چچی گنی خوانی شی هاکنی ؟مَردِم چاشتِخوار کم دارنِه تِره خوانه چکِنن ته چچی دارنی که خوانی شی هاکنی اتا قد و هیکل دارنی خاره ؟اگه خانی شی هاکنی کار و بار یاد بهیر مردِم پیش امِه آبرو حفظ بوشه. چند هفته بوگذشته سوری هیچکار نکرده فقط گته من شی خوامبه ولی ممدجان بته تا کار خنه و هنر یاد نهیری انده تره شی ندمبه که ته می رنگِ تِه دندون بهوه یک دندگی کندی گنی شی خوانی اگه ته چکل آغوری، من ول سر چاقومه اسا بوینیم کمین برنده وومبی . چند ماه بوگذشته سوری خاخرون بمونه موضوع ره بفمسّنه وره نصیحت هاکردنه وره حالی هاکردنه شی سِره نِناسره نیه تِه نازِ بکِشن اونجِه وِنه مسئولیت قبول هاکِنی شه مردی سِره خنِه جا برسی چندتا محله کیجاکون ره مثال بزونه
بالاخره سوری بفهمسّه پیر دِرِس گِته بمو مار پلی بته جانِ مار مِن خوامبه کار و هنِر یاد بهیرم مه پیر دِرِس گِنه اگه من همینتی شی هاکِنم بدبخت وومبه. بعد از دِسال سوری هم کار خنه و دشت و صرا ره یاد بیته هم خیاطی گلدوزی کِرده .اِسا ممدجان رو به سوری مار بته میرزا محمود تونده بیه خواسگاری اگه ته شه کیجاره تایید کندی ؟ سوری مار بته مه کیجا یَک زن همه چی تِمام بهیه ایشالله خوشبخت وونه.
