تیرنگ، رقیه سعیدی‌نژاد
اَشّ:خرس دار: درخت کشمبه: می کشم دار دمبه: از درخت آویزان می کنم
معنی تحت لفظی: خرس را مي كشم و پلنگ را به درخت مي كشانم. معنی و کاربرد: دسته اي از اشخاص در جامعه هستند كه همواره ادعاهاي بزرگي دارند ولاف مي زنند ولي در موقع عمل ، از خود هيچ اراده و اختیاری ندارند .
معادل ضرب المثل فارسی آن: شاخ و شانه كشيدن های توخالي ؛ خالي بستن؛ توپ و تشر آمدن ؛ که در هنگام رجزخوانی اغلب مطرح می شود. این ضرب المثل زمانی كاربرد دارد که بخواهید شخصی را جهت تسريع در انجام كارهای بزرگ ترغیب کنیم.
کیوان مَش رَضی ریکا هَفت سال پیش مّحیط بانی دِله کار بَهیته هَرگِدِر وِنِه شیفتهِ نوبِت بیه یَتّا صِواحی تا فِردا نِماشسَر هیچکی وِنِه جا خَوِر نِداشته شیه جِنگِل دِلِه دِرِسی دِ روز دَنی بیه .یَک ماه بیه جِنگِل دِلِه صِدا دَکِت بیه بی وَقتی صِدای تیرو تِفِنگ اِمو مَحله آدِمون همدیگه جا گپ و گوفت داشتِنه ایان کی هسّنِه جِنگِله تَش بکشینه . اَتّا روز کِیوان، علی جان عمو قهوه خِنه دَهیه چایی خِرده سه چارتا مَحلی آدِمون بیَمونه وِنه پَهلی بتنه مَهندس تِه مَگِه محیط بانی آدِم نی؟ چه نَشونی بَوی کِه اَمِه جِنگل رِه غارِت هاکِردِنه .بته مِن بوردِمه اداره بتِمه وِشون گِنه تِه شِه بور وِشون رِه بَهیر بیار تحویل هادِه مِن تیناری نَتومبه. چدومبه چَندتا شِکارچی هسّنه . حسنعلی بته مِن اگه تی جا بیبوم اَشّه کِشتِمه پلنگه دار کِردمه. کیوان بته: راست گِنی بور چارتا قِلچِماق مردی بیار باهم بوریم وِشونِ زنجیر هاکِنیم. این گِدِر حسنعلی شِه گَلی رِه قَلی هاکِرده بتِه اِسا اَتا چی بَتِمه مِه رِه چه رَبطی دارنِه تِه دَری دولتِ جا حِقوق گیرنی مِن شِه جان ره صَحرا پیدا نَکِردِمه بیّم تیر جِلو. نَقی بته: مِن هیچ گِدر وِشنایی بَمیرِم محیط بان نوومبه جِنگِل دِله پَلِنگ و اَشّ و وِرگ و خی جا سَرکله بزنیم شِه جان جا بازی هاکِنم که چی خوامبه حِقوق بَهیرم. اگه شکارچی مِره تیر بزِنه جِنگِل دِله آنتِن موبایل قطع هسّته اَنده وِنه خون بوره تا بَمیرِم. اِسا بِماند زَن و وَچه اَسیر وِونه وِشون تَن هَمیشه لَرزِنه کِه مَردی بوردِه جِنگِل کِر نَکِفه دار نَکِفه سیل وِره نوِره شکارچی وره نَزنه سالِم گِردنه یا نا؟؟؟ . وِل هاکِن بِرار اینتا چه کاریه مَگه وِنه حِقوق و مزایا چنده هسّه مین نِخوامبه . هَمین ماقِع ای چندتا تیر صِدا ره بِشدوسِنِه . کیوان استِکان چایی رِه بِهشته بِته دو بَهیته موتور سِوار بَهیه بوردِه جِنگِل. هَمه مَحلی آدِمون که اونجه دهینه بتنه: خِدا کیوان هِمراه بوشه خِدا هاکِنه وَچه سَر بِلا نیه. علی جان عمو چایی بدست بیَمو بَته یَک نَفر آدِم گِته اَشّ کِشِمبه پَلِنگ دار دِمبِه شِه جا، جا تِکون نَخِرده بَقیه بَزونه زِیر خنده.
