تیرنگ، رقیه سعیدینژاد
خوشحال میشوم به اطلاع مخاطبین محترم برسانم که در تحریریه تیرنگ تصمیم بر این شد در مازرونی گپ شما دوستداران فرهنگ و سنت کهن را با ضرب المثل های مازندران آشنا کنیم . سعی می کنیم روایات مرتبط با ضرب المثل ها را برای مطالعه شما بزرگواران بیاوریم تا مورد توجه مخاطبان وفادار تیرنگ قرار بگیرد.
جانگیر سیو در سن بیست و دِ سالگی بورده رعنای خواسگاری، رعنای پیر وِرِه پَس بَزو بته: وِه اَمه جا جور در نِنِه اَما شِه وَچِه رِ خوامبی وِرِ صَرا نَیتِمی هادیم این وَلِ چو دَس. جانگیر سیو ول نکرده هَف روزِ سَر اَی شِه نِنا رِه سِخ داهه بور رعنای خواسگاری مِن وِرِه خوامبه . جانگیر مار گِس وَل کِرده شیه رعناپیِر سِره گِتِه مِه ریکارِه بِه شِه غِلامی قبول هاکنین. اَی رعنا پیر کِرک یَک لینگِ سَر هِرِسا بیه که نا من شِه کیجاره نَدِمبه . خِلاصه شِمِه سَرِ درد نیارم اَتا روز جانگیر بَدیه به این نون و ماس کارپیش نَشونه بورده مِلّامیرهادی دنبال که کدخدا و مِلای مَله بیه شایِد با وساطِت وه این گره باز بووهه . ملا که بِمو رعناپیِر سره وِنِه تِک دَوِستِه بیه و بله رِه هِادا اما وقتی دَینِه شینه رعنای پیر بته :مِلاجان من به خاطر تِه بزرگی ، خِجالِتی داشتمه جواب مثبت هِدامه خِداهاکنه این وَلِ چو دِرِس بَوه مِه کیجاره خار وخِشی بَوِره شِه سِره ولی مِه چِش او نَخِرنِه اگر اجازه هادین وِشون سه ماه نومزِه بواشِن اگه گِمون بَد کنار بورده عقد هاکِنن. جانگیرمار که شِه وَچِه رِه اِشناسیه بته: نا برار تِه دور بَگِردِم یک دفه کار تمام هاکنیم الان و اَیی چه کِندی . کدخِدا یَتا کم فکر هاکرده بته: اَرِه بِرار همین کارِ هاکنیم اَی اَما ته کیجای پیش مَدیون نَویم. بعداز دوهفته جانگیر سیو شهردِلِه با دیکون دار گَل به گَل بَینه دَوا ودَرگیری و کار به پاسگاه بَکشیه مِن شِه عزیزون وِسه بَوِّم که نِشون به اون نِشون جانگیر با وساطت مِلا و رعنای پیر آزاد بهیه . وشون که برسینه مَحله، ماقع خِدافظی رعنای پیر رو به ملا و جانگیر سیوی مار بته مِن نتمه ول چو راس نوونه ترش شیر ماس نوونه.
